بدون تعليق

انا حاليا ههههههههههههههه

اول مره اعرف

اول مره اعرف ان كان فيه عيد حب من وقت قريب

واتضح قال ايه ان مصر ليه عيد حب لوحدها يوم اربعه نوفمبر

اللى اعرفه عن اليوم ده انه العيد القومى لمحافظتى محافظه كفر الشيخ ووالله بجد

انا ما مكنتش اعرف

كل سنه وانت طيبه

كل سنه وانت اميرتى

مكنتش اعرف بجد

هانت

ازيكم يااحسن الناس

همتحن ان شاء الله كمان اسبوعين

ان شاء الله هخلص امتحانات يوم تسعه يناير هيكون فيه عمليات وهيكون اخر يوم بالنسبه ليا ان شاء الله

نفسى افتح واغمض الاقى نفسى يوم تسعه يناير

هعتبره عيد ميلادى التانى


تخيلوا سنه سته دى اللى هيا اخر سنه بدات فعليا يوم سته وعشرين تسعه الفين وتمانيه هتخلص تسعه واحد الفين وعشره

تخيلوا

مكنتش اعرف انها طويله كده بس خلاص هانت

هطلب منكم انكم تتدعولى بامانه واخلاص لان اغلبيه الامتحانات شفوى وعملى وتعتمد فى المقام الاول على توفيق ربنا

احمد

محتاجلك اوى

محتاجلك اوى

يوم الكرامه

ازيكم يااحسن الناس

كل سنه وانتم طيبين بمناسبه حرب اكتوبر المجيده العظيمه اللى رفعت اسم مصر فوق ورجعت الكرامه لمصر والعرب كلهم

لسه يوم سته اكتوبر ليه مكانه كبيره وعظيمه جوايا
من ايام ما كنت طفل صغير وانا بحب اليوم ده وبحس بفخر كبير اوى انى مصرى وابويا مصرى
كنت بفضل اليوم ده كله قدام التلفزيون اتفرج على افلام حرب اكتوبر المجيده وعمرى ما كنت ازهق لحظه بالعكس كنت بحس بالفخر واحيانا كانت عينى بتدمع كان بتمنى ان اكون واحد منهم واحد من الظباط والعساكر الل حرروا سينا الجميله محظوظين والله

لكن للاسف بتغم جدااا لما احس ان اليوم دا بدء يفقد مكانته جوانا وبدءت تنتهى صالحيته بعد ما كان عيد لكل المصريين

مش عارف ليه يمكن بسبب الحاله الوحشه اللى كلنا بنعشها دا اكيد
بس اللى انا واثق فيه ان كل واحد مننا جواه حب وانتماء للبلد دى ولا يمكن ان يتخلى عنها ابدا فى عز ما هيا متخليه عننا

رحم الله شهداء جيل اكتوبر العظيم
دعوه للنقاش

ياريت كل واحد يقول اليوم دا بيمثله ايه زمان وحاليا وهل ما زال اليوم دا مميز عندكم؟؟؟

كل سنه وانتم طيبين

اشمعنا السى يعنى

ازيكم يااحسن الناس

اد ايه البنى ادم دا ضعيف جدااااااااااا لدرجه ان كائن تانى لايرى اساسا بالعين المجرده يكون السبب فى موته سبحان الله

فى سوال سالته لنفسى زمان ويمكن اتكلمت فيه قبل كده واتناقشت فيه مع اصحابى

اشمعنا يعنى فيروس الكبدى الوبائى سى اللى العلماء مش قاادرين الى هذه اللحظه ان يلاقوا ليه مصل يحمي الانسان زى ما عملوا مصل لفيرس بى؟؟

طبيعه الفيرس دا طبيعه غريبه جداااا هى اللى بتحزل دون اكتشاف مصل ليه
فيرس سى دا موجود منه سته سلالات طيب دا هو السبب ..ما اعتقدش ان دا السبب..لانهم قدروا يعملوا مصل لفيرس شلل الاطفال اللى ليه ثلاث سلالات فعملوا مصل فيه التلاته مع بعض بحيث لو حصل بعدوى باى سلالاه من التلاته يقدر المصل دا يحمينى لان فيه التلاته مع بعض

طيب اشمعنا السى طيب
العلماء اكتشفوا ان الفيرس دى اينعم ليه سته سلالات لكن كل سلاله بتغير من نفسها جوا البنى ادم وياريت بتتغير فى نطاق السته بس لا دا بيتغير جوانا لحاجه تانيه خالص ما حدش يقدر يتوقعها ولا يعرفها
يعنى يبقا اسمه احمد بره الجسم يدخل جوانا يبقا اى حد تانى غير احمد الله اعلم هيبقا مين على ولا محمد ولا عمر ولا مين بالظبط

هى دى ببساطه مشكله فيرس سى اللى بتخلى صنع مصل ليه صعب
من طموحاتى انى الاقى فكره لعمل مصل او حتى علاج فعال بنسبه ميه فى الميه وان كان المصل افضل بمنطق الوقايه خير من العلاج.....مع انى مش عارف انا هتتخصص ايه..انا حابب الاطفال وحابب الجراحه اوى وكمان الباطنه
بس مش عارف الايام الجايه دماغى هتودينى على فين

خلاص همتحن فى منتصف شهر نوفمبر القادم
ادعولى معاكم انى اخلص على خير السنه دى وانى احقق حلمى انى يكون ليا نصيب فى نيابه الجامعه .
دمتم فى خير

سافرت حببتى

كل سنه وانتم كلكم طيبين متاخره شويه انا عارف معلش غصب عنى

من ساعات قليله اوى سافرت حببتى البيت اصبح ساكت كالعاده مفيش غيرى انا ووالدى والدتى

سافرت حببتى بعد ما قضيت معاها اجمل ايام

فرحتنا بهيا كانت كبيره اوى لانها اول حفيده

كلنا كنا طايرين بيها بعد ما نزلت اجازه مع باباها ومامتها

مع اجمل ضحه واخف دم عشت انا الشهرين اللى فاتوا ورجع البيت تانى لهدوئه الممل فى اغلب الاحيان

يارب ترجعلنا بالسلامه ياهيا والسنه الجايه تكون بقيتى عروسه زى القمر واكون انا خلصت وفضيتلك

دى صور هيا بنت اخويا عبده اللى بحبه جداااااااا وبعتبره مثلى الاعلى فى كل شى يارب ترجع بالسلامه ياعبده انت وهيا ومامتها يارب